May kwentuha’t nagsasaya,
Mga dakila kay Sarang
Tindahan. Tanong na una:
Ang panday wika’y ano ba?
Heto ang wika ng pantas:
“Opisyal o kumon, tawag
Sa panday ng Filipinas—
Ayon sa nabasang aklat.
May panday oro, may panday
Diwa, panday bakal, bahay,
At kung anu-anong panday
Na dinala sa tanghalan.
Ang taguri’y panday wika
Sa laksa ang talinghaga
Ng makakati ang dilang
Mababaho ang bunganga.
Basang labi’y nanunulay
Ang litanyang lumilinlang
Sa tenga ng kahuntahan.
(Na walang katotohanan.)
May antenang pang-ulinig
Sa lansangan ng paligid,
Ihuhulagway ang ibig
Na ibubuka ng bibig.”
KINATHA NI RAUL FUNILAS
Subscribe to:
Post Comments (Atom)
No comments:
Post a Comment